هبة
عدد المساهمات : 10
تاريخ التسجيل : 12/04/2011
 |  موضوع: خواطر مواطنة مصرية ( صنعتها الثورة ) الأربعاء أبريل 13, 2011 11:16 am | |
| السلام عليكم ورحمة الله وبركاته
معكم اختكم هبة الله مصرية قاهرية . اعيش بجاردن سيتى .... يعنى التحرير ..... وما ادراك ما التحرير ...... يعنى الثورة
وما ادراك ما الثورة ... يعنى لو كانت مصرية .... علشان الثورة المصرية تختلف عن اى ثورات تانية ذى ما كل حاجة مصرية
تختلف عن مثيلاتها فى اى مكان فى الدنيا ( اكيد اللى هيقرا الكلام دة هيقول فورا ان انا بنحاز لبلدى ... اكيد هقوله على طول
ان دى حقيقة ) .... واسال التاريخ او الاهرام وابو الهول ... اسال حضارة وعلم ومنارة .... ممكن تقولى اذاى وانتم متخلفين
اذاى وانتم لسه فى قعر السنين .. اكيد هقولك من غير تفكير لو اى بلد فى العالم اسى ذى ما اسينا .....اتظلم ذى ما اتظلمنا
اتضلم عليه واتهان ذى ما اتهنا .... حكموه حكام مستبدين وفرعنه ..... ومع كل دة اتولد مارد جبار .... ثورة ... لاء لاء
دا اعصار .... هب فى التحرير .... كسر وحطم قصور .... فى مشاهد فاقت ملحمة العبور ......
عرفت ليه انا بقول حضارة وعلم ومنارة ..... علشان احنا كنا شعب عليل هزيل دبلان ذى وردة نامت على غصنها
ذى مريض رايح فى نوبة من الهزيان ...... عجيب ياشعب اتحكم من نار بعد ما كل العالم شتم فيك وعلى اوضاعك ثار
اذاى اتولد من داخلك ملايين الثوار ......
نرجع للتحرير ..... ميدان كان قبل 25 يناير ملتقى الاحبة ممكن حديقة للعايز يرتاح ممكن ...... قول ذى ما انت عايز
وانا هقولك معليش سامحنى ..... انا شطبت بنزين هاروح افول وهارجعلك تانى ..... من فضلك استنانى ......
هنكمل الكلام المرة القادمة .... بس ياريت تشاركونى الكلام علشان الحوار مش هيحلى الا بيكم ..... سلاااااااااااا اام
اهلا وسهلا اخوانى الكرام ...... انا فولت ورجعت ...... ممكن نكمل كلامنا ....................
من فضلكم هسال سؤال وهجاوب عليه .... عارفين ليه الثورة قامت بعد ما الكل ايقن ان النفوس نامت ؟
يمكن علشان الظلم ساد من الاسياد ... ولا يمكن دعوة ولية ساعة مغربية ابنها مات على ايد قوات .... ظالمة وغبية .
مع ان السلبية لا تستحق النصر فى اى عصر .... واحنا كنا سلبيين .... ولا مش فاكرين .... اكيد مش ناكرين .
عرفين .... ان احنا رضينا بالظلم سنين وسنين وسنين ......
بس احنا فى الحقيقة طيبين ... منا اللى لابس جلابية وكوفية ... ومنا اللى لابس بدلة وكرفته ..... او حالق راسه زلابطة ...
واللى قصة شعرها قصة البطة .... او متحجبة ولابسة خيمة .... ومش باين منها اى حتة .
..... وخلاص دبحنا السلبية بسكينة قوية . وقولنا هنتغير ونغير .... افكار وعقول ذى العجول كانت مستقوية .
وفى ليلة بيضا ذى الحليب .... تجمع شباب حر وعجيب ...... وفى التحرير كان اللقاء . كان منا اللى واقف واللى قاعد
وكان منا اللى ممدد فى استرخاء .... الايد فى الايد . وكلنا بنقول نشيد .... _ الشعب يريد اسقاط النظام _
_ الشعب لا يهدى ولا ينام ومن النهاردة هننصب الخيام .....
واتعاهدنا .... من النهاردة هنحلق للفساد الشناب ونقطع راسه وكمان الاذناب .....
وانا كنت واقفة وسط الزحام _ عن يمنى وعن شمالى من امامى ومن خلفى شباب _ شباب همام .... ذى الورد . نام فى البرد
بيتغطى باحلامه ... حلف ليغير ايامه .... ويبقى احسن من اى حد ......
ولحد هنا هقول سلام .... انا فى التمام ..... هامون وارجع تانى ..... اشوفكم على خير وسلام ..... .
| |
|
